رواية شمس وراغب الفصل الخامس 5 بقلم زهرة الربيع

 رواية شمس وراغب الفصل الخامس 5 بقلم زهرة الربيع

5

ايناس قالت بغرور...تاخدي كام وتبعدي عنو ومشوفش وشك تاني 

شمس بصتلها باستغراب وزهول وقالت..نعم...قولتي ايه

ايناس بصتلها بغضب وقالت..عايزاكي تطلقي من راغب  وانا مستعده لاي مبلغ تطلبيه كده وضحت ولا محتاجه شرح اكتر

شمس فضلت مبرقه بدهشه وبعدها ضحكت جامد وقالت...اممم تدفعيلي..الظاهر ان كلكم هنا عندكم عقدة الدفع دي..على العموم يا شاطره انا راغب بتاعك ده مش بطيق اسمع اسمو حتى ولو عليا عايزه اطلق منو انهارده قبل بكره فلو عندك فكره تنفع ياريت تقوليلي احسن ما تبعتري فلوسك على الفاضي

شمس لسه هتمشي ايناس قالت..طبعا عندي هو حل واحد اديلو الي عايزه وهيسيبك زي ما ساب غيرك 

شمس بصت لها بغضب وقالت...نجوم السما اقربلو انسي لوهقتل نفسي مش هيلمسني 

ايناس قالت بغضب..انتي فاكره نفسك مين يا بت انتي ..انتي كنتي هتتجوزي البواب بتاعنا ده اخرك..راغب اتجوزك ينبسط معاكي ليلتين فمتحلميش باكتر من كده ..لو فضلتي عمرك كلو تدوري وراه مش هتستفيدي لان راغب لسه بيحبني ومستحيل يحب غيري ابدا.

شمس ابتسمت وقالت ببرود..طيب مدام كده بالتوفيق...عن اذنك بقى 

شمس مشيت وايناس اتحولت ملامحها لغضب رهيب وقالت...اصبري عليا انا هعرف ازاي اوقفك عند حدك ودخلت اوضتها ومسكت التليفون بعصبيه هتتصل على حد

في فيله جميله على البحر ماجد كان قاعد بيحط تلج على عينه بسبب البوكس الي اخدو من راغب وجات ست في اواخر الاربعينات بملابس شيك جدا وغاليه جدا جدا دي عليه هانم..والده ماجد وقفت قدامو بغضب وقالت...هو الي عمل فيك كده

ماجد هز راسو  بحرج وقال..ايوه هو

عليه بقت تمشي رايح جاي بغضب اعمى وقالت..وازاي تسمحلو يطلع مين ابن منيره علشان يضرب ابني انا..والله لاوريه

ماجد قال..اهدى يا ماما انا هعرف ازاي اعاقبو متدايقيش نفسك انتي

عليه قالت بعصبيه..انت لو كنت عايزني متدايقش كنت خدت بالك من شغلك بدال ما انت عمال تتسرمح وبردو سمحتلو يدخل المناقصه واضطرينا نترجى حيو*ان زي ده لاكن انت فاضي من السرمحه مع الاشكال الزباله الي بتعرفهم 

ماجد اتنهد بضيق وقال ..يت ماما انا عملت ايه يعني لكل ده

عليه قالت بانفعال ..عملت ايه انت عايز تجلطني انا نفسي تحسن زوقك نفسي في مره الاقيك معجب بواحده تستاهل  الاول روحت اتجوزت ايناس وادتلها نص اسهم الشركه مع انك تقدر تتجوز الي اجمل منها مليون مره وانهارده رايح تبصبص لواحده انا متأكده انها مش من مستواك زي العاده وتخلي ابن منيره الحيوان يضربك دانت حتى البت الخدامه الخرسا الي كانت تشتغل في عندنا كنت عايز ترمرم معاها وكانت هتقتلك بقى حتت خدامه تخليك تجري وراها وكمان مرضيتش بيك مش مكسوف من نفسك امتى هتكبر وتعقل وتعرف مستواك..تقدر تقولي ايه المميز في مرات راغب علشان تعاكسها

ماجد نزل راسو بحرج وقال..يا ماما انا مبقتش صغير قولتلك انا هتصرف وهتشوفي ازاي هعاقبو على الي عملو وبعدين البنت زي القمر لو شفتيها و و...بس قطع كلامو لما جالو تليفون وكان من ايناس

ماجد ابتسم وطلع على طول على الجنينه وقال الو اذيك يا نيسو وحشاني

ايناس قالت بضيق...بطل غلبه وخلينا نتكلم جد ..شوفت البنت الجديده الي راغب جابها

ماجد اتنهد وقال....اووووف شوفتها..كرباج بنت الذينه اتلم عليها فين دي

ايناس اتنرفزت جدا بس قالت...طيب مدام عجباك اوي كده ممكن تخلص فيها ولا هتغلبك

ماجد قال بغرور..انتي عارفه انا مفيش واحده تغلبني ابدا ولا انسيتي

ايناس كانت مضايفه جدا بس قالت...لا منستش وعلشان كده كلمتك اقرب فرصه ممكن اجمعك بيها هكلمك متفقين

ماجد قال...تمام متفقين وتبقى عملتيلي خدمه كمان  ...يلا بقى احكيلي عنها جابها منين

ايناس ضحكت وقالت..دي حكايتها حكايه مش هتصدقها اصلا اسمع يا سيدي .....

ايناس حكت كل الي تعرفو عن شمس  ومصطفى والي راغب عملو معاهم ماجد كان بيسمعها بدهشه وقال ...معقوله...ده راغب ده طلع بلوه

ايناس قالت...هو عايز يقضي معاها ليلتين زي غيرها بس هيه مش راضيه تفضها وتخلصنا

ماجد ابتسم وقال..انتي في ايدك تخليها تفضها

ايناس قالت باستغراب..ازاي بقى

ماجد قال بخبث... انا هقولك ازاي اسمعيني كويس وتنفذي بالحرف الواحد .......

بقلمي...زهرة الربيع

عند راغب كان قاعد بيكلم واحده في التليفون وشمس دخلت وهو بيقول..انتي كمان وحشتيني..فاضيه بالليل

راغب سكت شويه يسمعها وبعدها قال...هههههه مش دلوقتي هعدي عليكي بكره

شمس كانت بتطلع هدوم من الدولاب بلامبالاه وقالت بضيق...استغفر الله العظيم يا رب

راغب قال بضحك..لا والله مش هينفع ابدا خليها بكره معلش والله انا عايز اشوفك دلوقتي لو عليا 

شمس لوت بقها بضيق وقالت..يا لهوي على المحن

راغب شافها وضحك وقال..طب باي دلوقتي يا نانا هكلمك بعدين وقفل معاها

شمس اخدت الهدوم ولسه هتدخل الحمام راغب وقف قدامها 

شمس قالت باستغراب فيه ايه عايز ايه

راغب قال..عايزك ...مش هتراجعي نفسك..اسمعي مني يا بنت الحلال..هتكسبي كتير

شمس ضحكت بخفه وقالت...وهكسب ايه بقى

راغب قال ...كتير طبعا هتاخدي مبلغ محترم وتطلقي وتكملي دراستك وتعيشي حياتك براحتك ها قولتي ايه

شمس اتنهدت وقالت..شوف يا راغب..الي بتفكر فيه مش هيحصل..متتعبش نفسك روح لنانا ولا بتنجانا الي كنت بتكلمها البنات على قفا من يشيل وحل عني ..ها حل عني مفيش فايده صدقني

شمس دخلت الحمام وراغب ابتسم وقال..بتنجانا..ماشي ياشمس لسه المشوار طويل وانا نفسي اطول

في فيله جميله جدا وراقيه قاعد راجل في اواخر الخمسينات بطله جذابه ده سليمان الصفتي والد راغب مسك التليفون واتصل على القصر

منيره ردت وقالت..الو

سلمان قال بحزن..اذيك يا منيره

منيره بلعت ريقها وقالت بحزن مكتوم..اهلا يا سليمان اخبارك ايه

سليمان قال بحزن..مش تمام يا منيره مش كنتي وعدتيني تحاولي مع راغب علشان يقابلني

منيره اتنهدت وقالت..مش هكدب عليك يا سليمان راغب رافض جدا لدرجه انو بينهي الحوار قبل حتى ما اتكلم معاه 

سليمان قال بحزن شديد..يعني مفيش فايده مش عايز يقابلني مره واحده حتى

منيره قالت بحزن وتنهيده..معلش يا سليمان انت عارف هو مضايق قد ايه بس والله انا مش هيأس وهحاول تاني وان شاء الله خير

سيلمان قتل بدموع..بجد شكرا يا منيره انا بجد مستاهلش تحاولي علشاني ابدا

منيره ابتسمت بوجع وقالت ...انا بحاول علشان ابني يا سليمان... مع السلامه..وقفلت الخط وقعدت بحزن شديد وقالت.ربنا يهديك يا راغب

عند شمس طلعت من الحمام ونشفت شعرها وراحت تنام لقت راغب نايم على السرير اخدت مفرش وبقت تفرشو على الارض

راغب بصلها وقال... بتعملي ايه

شمس قالت..هكون بعمل ايه يعني هنام

راغب قال..انتي اتجننتي هتنامي على الارض

شمس قالت... وفيها ايه منها واليها نعود

راغب قال بعصبيه.. بلاش هبل قومي نامي على السرير اصلا واسع يشيل اتنين تاني معانا

شمس ضحكت وقالت...انتي عايزني انام جمبك مستحيل..الي بتفكر فيه مش هيحصل فبلاش دحلبه علشان فهماك

راغب ضحك من قلبو وقال..اقسم بالله ما اقصد حاجه تعالي نامي نوم عادي يعني

شمس قالت...تؤتؤ..جمبك لا

راغب اتنهد وقام واخد مخده وقال..هنام انا على الكنبه يلا اتخمدي انتي على  السرير

شمس نامت على الارض وقالت...انا هنام هنا اصلا متعوده وعادي انت لو نمت على الكنبه مش هتستحمل ..عضمك طري

راغب برق بدهشه وقال بغيظ..انا عضمي طري  ..وقرب عليها فجأه وشالها وحدفها على السرير وقال...اتخمدي هنا ومسمعش صوتك

شمس اتنرفزت منو ونفخت وقالت...على العموم احسن حد يزعل من الراحه..خليك نام على الكنبه وابقى قول رقبتي وجعتني بقى

راغب قال..لا ملكيش دعوه مش هتوجعني...وفضلو كل واحد في افكارو لحد ما نامو هما التنين

في صباح يوم جدبد شمس قامت بدري زي عادتها واستحمت وجهزت 

راغب فتح عنيه بنوم لقاها بتلبس حجابها.. لسه هيقعد حس رقبتو متشنجه جامدقال ...ااه

شمس ضحكت من قلبها وقالت..وجعتك مش كدا

راغب اتغاظ وقال..لا طبعا انا بس بعمل تمارين..سيبك انتي من رقبتي قوليلي ...قايمه بدري ليه

شمس قالت..بدري من عمرك يا كسلان الساعه تسعه

راغب قام وقال...وهيه تسعه دي كتير يعني..طب انتي رايحه فين دلوقتي

شمس قالت نازله اقعد مع منيره هانم شويه

راغب ابتسم بسخريه وقال...اممم مع منيره هانم حماتك بقى وكده

شمس قالت بغيظ..وانت مالك اما حشري صحيح 

راغب مشي ناحيتها وكان لابس بنطلون بس وبقى يتقدم عليها وشمس بقت ترجع لورا بتوترلحد مالزقت في الدولاب

بقلمي..زهرة الربيع

راغب قرب منها جامد وهو مركذ في تفاصيلها وقال...حلوه قوي بالبس ده والحجاب مخليكي احلى كل حاجه بتلبسيها كانها اتصنعت ليكي 

شمس بلعت ريقها بتوتر وقالت..احم..ابعد..شويه لو سمحت

 راغب قرب منها اكتر وشمس اتوترت جدا وغمضت عنيها بخوف وارتباك

راغب ابتسم على شكلها واخد بدله من الدولاب الي وراها وبعد وهو بيضحك

شمس اتغاظت منو جدا وراغب قال...طب مااحنا حلوين وبنخاف وعندنا دم امال ايه طيب

شمس نفخت بغيظ وقالت.... انا هنزل بني ادم مريض بجد

لسه هتمشي راغب قال...طب استني بقولك ايه صحابي بيزنو عليا نطلع ناخد يومين في السخنه ايه رايك تيجى معايا 

شمس قالت باستغراب واجي معاك بصفتي ايه 

راغب قال... بصفتك مراتي بقى وخلاص

شمس ضحكت وقالت..وخلاص..لا  معلش روح انت لوحدك انت هفضل هنا مع طنط

راغب قال..يا بنت الحلال طاوعيني يمكن لما نغير القصر تفرج وجو السخنه يخلي الدنيا سخنه ونخلص بقى

شمس ضحكت جامد وقال والله انت ما شوفت يوم واحد تربيه ..الي في بالك مش هيحصل لو غيرت الكوكب مش القصر على العموم هفكر في الموضوع يلا باي

شمس نزلت وراغب ابتسم على كلامها وطريقتها واتنهد وراح يجهز

على الفطار كانت شمس ومنيره بيتكلمو سوا ومنيره بتضحك من قلبها وبيهزرو وجيه راغب قال...ايه الضحكه الحلوه دي على الصبح. يا مرمر

منيره قالت..صباح العسل يا حبيبي..دي شمس دي رهيبه اما تتكلم معاها تفطس من الضحك

راغب قال ..امم انتي هتقوليلي

راغب قال ..احم..امال ايناس فين

منيره قالت..مش عارفه والاه صحيت ملقتهاش في القصر كلو حاجه غريبه حتى مش بترد على تليفونها

راغب استغرب جدا وبص في الساعه وقال..الساعه ١٠ ونص غريبه قوي هتكون راحت فين دلوقتي

بعد شويه ايناس جات وقالت..صباح الخير

منيره قالت..صباح الخير يا ايناس وقعتي قلبنا يا بنتي كنتي فين كل ده ومقولتيش ليه انك خارجه

ايناس ابتسمت وقالت..وفيها ايه يا طنط هو انا صغيره 

منيره قالت ..لا ياحببتي مش صغيره بس مش نعرف انتي فين ده حتى تليفونك مش بتردي عليه

ايناس قالت بمنتهى البرود ..كنت بتجوز

راغب شرق وهو بيشرب وبقى يكح ومنيره وشمس كانو بيبصولها بصدمه

 وايناس ابتسمت بخبث وقالت..ايه يا جماعه مش هتباركولي ولا ايه ولا اقولكم لما تشوفو جوزي الاول وتباركولنا سوا وقالت بصوت عالي ..تعالى يا حبيبي

اول ما دخل الكل وقف بصدمه شديده وشمس برقت بشده وقالت بصدمه....مصطفى وووو

         الفصل السادس من هنا

تعديل المقال